Kompania farmaceutike zvicerane NOVARTIS ka arritur të prodhojë një preparat që zvogëlon rrezikun e humbjes së jetës nga kanceri i gjirit. Lajmin i publikuar gjatë ditës së sotme nga agjencia britanike REUTERS thotë se ky zbulim zvogëlon mundësinë e vdekjes nga mutacioni i kancerit të gjirit në masën 35 për qind, ose në një të tretën e pacientëve.
I testuar në një numër pacientësh, preparati i sapoprodhuar ka rritur mesataren e mbijetesës në 11 muaj, nga 5.7 muaj që ishte jetëzgjatja për pacientët që merrnin vetëm terapi hormonale.
Kjo arritje do të bëhet e ditur sot (e shtunë) edhe në konferencën vjetore të Shoqatës Evropiane për Onkologji Mjekësore në Mynih. TIRANA TODAY
