Zëvendësndihmës sekretari amerikan i Shtetit, Hoyt Brian Yee ka bërë thirrje që partitë të mos bëjnë asnjë lloj bojkoti.
Apeli vjen një ditë para mbërritjes së tij në Tiranë. Gjatë fjalës së tij në forumin rajonal për siguri “2BS” në Budva të Malit të Zi, Hoyt Brian Yee tha se Qeveritë në rajonin e Ballkanit duhet të luftojnë kundër korrupsionit dhe udhëheqësit e rajonit duhet të gjejnë kurajën politike, për të bërë reformat e nevojshme në interes të qytetarëve.
“Parlamentet duhet të përfaqësojnë dhe të mbrojnë interesat e qytetarëve. Deputetët nuk mund të heqin përgjegjësinë që kanë duke bojkotuar parlamentin”, tha zyrtari i lartë amerikan.
