Zëvendëskryeministri dhe njëkohësisht ministri i Brendshëm i Italisë, Mateo Salvini, e ka lëshuar sërish mendjen me anë të një statusi në Twitter. Si zakonisht ai ka përmendur shqiptarët, duke thurur një lojë fjalësh, që ndërtojnë kuptimin, herë të një “bifteku të vogël” e herë të një tjetri “al sangue”.
Por çfarë ka dashur të thotë ky personazh, që njihet për vrazhdësinë e racizmin ndaj të huajve, përfshirë shqiptarët. Përpara së të zbërthejmë mesazhin, duhet të sqarojmë se Salvini këto ditë është vënë përballë një skandali që mund ti kushtojë karrierën politike. Prokurorët e Agrixhentos janë në pritje që Senati të japë autorizimin për procedimin penal ndaj Salvinit. Ministri i Brendshëm italian akuzohet pengmarrje të shkallës së rëndë (sequestro di persona aggravato) dhe shpërdorim detyre.
Ai akuzohet se më 16 gusht urdhëroi moszbarkimin e 177 refugjatëve nga një anije e ankoruar në portin e Katanias, duke vënë si kusht që shtetet e tjera të Europës të merrnin një pjesë të emigrantëve. Në fund vetëm Shqipëria dhe Irlanda ranë dakord të merrnin një pjesë të tyre.
Me urdhër të Ministrit të Brendshëm Salvini fëmijët u lanë të dilnin nga anija vetëm në datën 22 gusht, ndërsa të rriturit në datën 26. Ndërkohë autoritetet e Agrixhentos deklaruan se emigrantët në anije kishin përballur me kushte çnjerëzore dhe njëkohësisht hapën hetim për “pengmarrje” në adresë të ministrit Salvini.
Pikërisht sot, me të mësuar se po kërkohet autorizimi për procedimin penal ndaj tij, Salvini, me anë të një statusi që jo gjithkush mund ta kuptojë, u ka kujtuar kundërshtarëve politikë, se në kohën e tyre ata i mbytën shqiptarët në gjak (duket e ka fjalën për tragjedinë e Otrantos – 28 mars 1997), ndërkohë që atë vetë po e akuzojnë për diçka të vogël dhe të papërfillshme. Kujtojmë se në dhjetor 2018 Salvinit ju dërgua një letër kërcënuese që fillimisht kishte shqiptarët si autorë të dyshuar.
Ja dhe statusi në Twitter i Salvinit:
“Të mbysësh instiktin primitiv e vrasës të qenies tënde shqiptare në pjatën ku noton një copë e vetme filetoje, e zhytur në 600 gr krem pastash, kur në të kundërt ke porositur thjesht një fiorentin (biftek) al sangue, ndërkohë që shpretka e fryrë është mbështetur në gjurin tënd dhe lutet…”
“Matteo SalviniⓂ (@salvinimi) Tweeted:
Soffocare l’istinto primordiale omiccida del proprio essere albanese nel piatto dove nuota un unico boccone di filetto dentro600 gr di glassa ponti quando invece hai ordinato semplicemente una fiorentina al sangue, mentre la milza ingonfiata e appoggiata sul tuo ginocchio prega…”
Përktheu dhe përshtati: TIRANA TODAY
