Kjo e enjte duket se ka qenë shumë sfiduese për zv/Presidentin amerikan, Mike Pence.
Mediat amerikane raportojnë se automjete të ndryshme që ndiqnin veturën e Pence u përfshinë në dy aksidente.
Në aksidentin e parë u përfshi autobusi i fushatës së Pence, i cili goditi një kamion ndërsa kthehej mbrapa. Shoferi i kamionit u mor më pas në pyetje nga policia.
Më vonë në mëngjes, eskorta me motoçikletën dhe autokolonën e Pence u përfshinë në një aksident tjetër. Ambulancat ishin në vendngjarje, sipas raporteve, por nuk pati raportime për lëndime serioze.
Mike Pence ishte i pranishëm në zonën e Pittsburgh, duke bërë fushatë për presidentin, Donald Trump.
