Zv/kryeministri nga Lista Serbe në Kosovë, Goran Rakiç ka zhvilluar një takim në zyrën e tij me ambasadorin amerikan, Philip Kosnett dhe përfaqësuesen e BE-së në Kosovë, Natalija Apostolova.
Mirëpo nga fotot e publikuara nga takimi bie në sy mungesa e simboleve kombëtare të Kosovës, në zyrën e zëvendëskryeministrit.
Ishin mediat serbe ato që e pasqyruan fillimisht këtë lajm. “B92” raporton se më herët flamuri i Kosovës ishte përdorur në takimet zyrtare nga paraardhësja i tij, Emilja Rexhepi.
“Zëvendëskryeministri i Kosovës dhe Ministri i Administratës dhe Vetëqeverisjes Lokale, Goran Rakiç, hoqi nga kabineti i tij të ashtuquajturin flamur i Kosovës. Flamuri u përdor në takimet zyrtare nga paraardhësja i tij Emilja Rexhepi”, shkruan media serbe.
Mungesa e simboleve kombëtare në zyrën e numrit dy të qeverisë së Kosovës vjen pas vendimit të kësaj të fundit për heqjen e reciprocitetit me Serbinë.
