Gruaja e parë kryeministre në Britaninë e Madhe, lindi në familjen e një kasapi. Pavarësisht të gjithë pengesave dhe pa asnjë përkrahje, ajo arriti të ngjitej në majë të pushtetit, dhe të ndryshonte jetën e dhjetëra miliona bashkëkohësve të saj.
Përpara se shtypi sovjetik ta quante “Zonja e Hekurt” pas një fjalimi të ashpër anti-komunist në vitin 1976, Theçër shërbeu si Ministre e Arsimit në vitin 1970. Ajo i dha fund një programi për dhënien e qumështit falas në shkollat e ciklit të ulët, për të shkurtuar shpenzimet e qeverisë.
Gazeta “The Sun” e cilësoi asokohe si “gruaja më e pandjeshme në Britani”. Privatizoi shumë ndërmarrje shtetërore, injoroi protestat dhe grevat e miliona punonjësve, dhe la të vdisnin në grevë urie dhjetëra të burgosur të IRA-s. Megjithatë koha i dha të drejtë.
Privatizimet kthyen në fitimprurëse shumë kompani, duke rritur ndjeshëm ekonominë. Ky model, u zbatua shpejt nga mbi 50 vende të botës. Edhe presidenti amerikan i kohës Ronald Regan, nisi të kopjojë reformat e saj. Theçër pati një ndikim të madh në shembjen e Bashkimit Sovjetik dhe komunizimit në lindje. Ajo e këshilloi Reganin të riarmatosej, dhe të ulte Moskën në tryezën e negociatave.
