Një nga figurat më të spikatura të PD-së e me gjerë, Jozefina Topalli, ndonëse nuk është aktive me jetën politike, ajo gjithmonë gjen kohën për të përcjellë disa mesazhe.
Ish-kryetarja e Kuvendit dhe ish-nënkryetarja e Partisë Demokratike, është përlotur kur është pyetur nëse e kishte marrë malli të kthehej në selinë e PD-së, aty ku ka punuar për shumë vite.
Me përfaqësues të tjerë brenda PD-së flisni?
“Po sigurisht, komunikoj me ata që kam qenë dhe me ta që kam punuar. I ndjek me shumë interes dhe më dhimbsen. Unë e di sa keq ndihen”.
Ju ka marrë malli të riktheheni në atë seli?
“Shumë! Tek kjo e reja jo. S’e kam me selinë, unë e kam me shpirtin e demokratëve. Sigurisht që kam dhimbje dhe mall të madh, por duhet të jem realiste”.
