Gjatë natës është djegur zyra e noterit Aleko Anagnosti, i arrestuar për tjetërsim pronash në Sarandë. Disa persona të paidentifikuar kanë shqyer portën e zyrës gjatë natës në lagjen nr. 1 në Sarandë, dhe kanë djegur dokumentet. Anagnosti është në “arrest me burg” për 45 ditë, derisa Prokuroria të çojë prova të tjera në gjykatë për tjetërsimin e pronave në Sarandë.
Grupi hetimor ndodhet në vendngjarje dhe po punon për zbardhjen e rrethanave të ngjarjes, dhe përcaktimin e shkakut të rënies së zjarrit. Në skemën e tjetërsimit të pronave janë të përfshirë edhe zyrtarë e biznesmenë të tjerë.
Njoftimi i policisë
“Më 06.06.2022, në lagjen nr. 1 Sarandë, ka rënë zjarr në zyrën e shtetasit A. A., ku si pasojë ka vetëm dëme materiale. Grupi hetimor ndodhet në vendngjarje dhe po punon për zbardhjen e rrethanave të ngjarjes dhe përcaktimin e shkakut të rënies së zjarrit”, njofton policia.
