Një zjarr i fuqishëm ka përfshirë Qafën e Lalarit në Patos të Fierti këtë mbrëmje dhe situata duket se është mjaft e vështirë.
Forcat zjarrfikëse kanë shkuar në vendin e ngjarjes por terreni është shumë i vështirë dhe makineritë nuk mund të shuajnë flakët.
E vetmja mënyrë për të shuar këtë vatër zjarri mbetet ndërhyrja nga ajri, ndërsa flakët kanë nisur të gllabërojnë sipërfaqe të tëra ullishtash dhe shkurresh.
Shefi i Mbrojtjes nga Zjarri dhe Shpëtimi (MZSH) në Patos, Alket Halimi në një prononcim për mediet u shpreh se situata është tepër kritike.
“Situata është kritike, pasi era favorizon përhapjen e flakëve. Rrezikohen plantacione me ullinj dhe dru frutore. Po punojmë për të vënë flakët nën kontroll”- tha Alket Halimi.
