Presidenti i Francës ka fituar pikë ditët e fundit në sondazhe, pas zjarrit që pushtoi katedralen e Notre Damit në Paris. Emmanuel Macron është rritur me 3 pikë përqindje në muajin prill, pas asaj që ndodhi në katedralen ikonë të Parisit.
Ndërhyrja e presidentit në kohë reale, siç duket është gjykuar në lartësinë e duhur nga 6 francezë në 10. Kjo është bërë e ditur nga një sondazh i publikuar nga mediat vendase.
Studimi zbuloi se 32% e popullsisë mbështesin presidencën e Macron, që e kthejnë atë në nivelet e muajit shtator, përpara se të niste kriza me Jelekët e Verdhë.
Megjithatë, 67% e qytetarëve vijojnë të kenë një opinion negativ për të. Po kështu, një shtysë të madhe presidenti ka marrë edhe nga operacioni profesional i zjarrfikësve.
“Është një nder i madh. Në të njëjtën kohë, zjarrfikësit e Parisit janë një njësi e fshehtë dhe e përulur. Fakti që shteti vlerësoi punën tonë, na ngrohu zemrat”, tha Gabriel Plus, zëdhënës i zjarrfikësve të Parisit.
