Të paktën 37 persona kanë vdekur dhe dhjetëra të tjerë janë plagosur nga zjarri në një qendër tregtare në Siberi, kanë njoftuar autoritetet ruse.
Shkaku i zjarrit në qytetin Kemerovo ende nuk është bërë i ditur. Zjarrfikësit kanë konfirmuar se 37 persona humbën jetën mes tyre gra, burra dhe 11 fëmijë.
Deri tani janë regjistruar 43 të plagosur dhe rreth 30 persona janë dërguar në spital për t’u trajtuar.
Gjithashtu, autoritetet ruse flasin për 69 vetë të humbur, duke përfshirë 40 fëmijë, thuhet të jenë zhdukur pas zjarrit në qendër tregtare. Ndërtesa ka pësuar dëme të rënda, çati dhe dyshemetë e saj janë shkatërruar pjesërisht.
