Një zjarr i madh ka përfshirë mëngjesin e sotëm zonën rreth një fabrike në Greqi.
Mediat fqinje raportojnë se zjarri ka rënë në Metamorfosi, në rrugën Sorou. Për pasojë, rruga nacionale Athinë-Lamia për momentin është e mbyllur në të dyja kalimet.
Mësohet se fabrika ku ka rënë zjarri është me materiale të riciklueshme, ndërsa raportohet se për momentin zjarri nuk është shtrirë afër banesave. Por pavarësisht kësaj, është dhënë alarmi pasi pranë zonës së zjarrit gjenden fabrika të tjera industriale.
Më shumë se 21 zjarrfikëse kanë mbërritur në vendngjarje dhe po punojnë për shuarjen e flakëve, së bashku me kamionët e ujit dhe vullnetarë.
