Qendra Shtetërore e Kërkimit të Virologjisë dhe Bioteknologjisë, e njohur ndryshe si Vektori (Vector) në Rusi është një nga dy laboratorët e vetëm në botë, të cilët mbajnë prova të viruseve më të rrezikshme të gjetura ndonjëherë.
Pak orë më parë, ky laborator u përfshi nga flakët që erdhën si pasojë e shpërthimit të një cilindri me gaz.
Shpërthimi i laboratorit në fjalë, i cili shërbeu gjatë epokës sovjetike për të kryer eksperimente të ndryshme gjatë luftës, ndodhi në katin e 5-të të ndërtesës. Dogji një sipërfaqe prej 30 metrash katrorë, ndërsa nuk raportohet për persona të lënduar, por vetëm dëme materiale.
Laboratori i ndodhur në Koltsovo është njëri prej dy laboratorëve të vetëm në botë, të cilët mbajnë dhe ruajnë disa nga viruset më vdekjeprurëse.
