Një zjarr i përmasave të mëdha ka rënë në Pukë, duke përfshirë një masiv pyjor të Munellës.
Si pasojë, rrezikohen pyjet me pisha të Munellës, që njihet si streha e rrëqebullit të Ballkanit.
Zjarri po përhapet me shpejtësi, duke u favorizuar edhe nga era. Shërbimi zjarrfikës dhe ai pyjor janë nisur drejt vatrës së zjarrit, por terreni nuk favorizon zjarrfikëset.
Kështu, zv.kryetari i bashkisë Pukë, Astrit Kuci ka kërkuar ndërhyrje nga ajri.
“Zjarri është me përmasa të mëdha dhe po përhapet me shpejtësi. Kërkojmë ndërhyrje nga ajri për fikjen e tij”, tha Kuci.
Nuk dihen ende shkaqet dhe motivet e zjarrit.
