Fshati Çepun është përfshirë nga një zjarr i përmasave të mëdha, i cili ka rënë pranë urës së Kardhiqit.
Flakët e zjarrit janë përhapur me shpejtësi, të favorizuara edhe nga era, ndërsa nga zjarri rrezikohen edhe banesat e këtij fshati.
Pasditen e sotme një zjarr i përmasave të mëdha ka rënë pranë urës së Kardhiqit, mbi kodrën e fshatit Çepun.
Në vendngjarje kanë mbërritur forcat zjarrfikëse, ndërsa deri më tani nuk është raportuar për ndihmë nga ajri.
Gjatë stinës së verës, në Gjirokastër është djegur një sipërfaqe e madhe e pyjeve nga zjarret, por edhe nga pakujdesitë e banorëve.
