E enjte, 20 Janar, 2022
3.5 C
Tirana

Zigmunt Bauman: Dashuria fluide, dhe frika e sotme nga lidhjet romantike

Nga: Alice Turiani “Libreriamo.it”

Zigmunt Bauman ishte një nga sociologët më të mëdhenj të kohës sonë. Me teoritë e tij, ai ishte në gjendje të shpjegonte problemet dhe frikërat më të pranishme brenda shoqërisë moderne. Viktimat e këtyre frikërave më së shumti janë të rinjtë, të cilët nuk janë në gjendje t’i përjetojnë lidhjet e tyre romantike në mënyrë të vërtetë dhe të thellë. Në këtë artikull, ne përpiqemi të shpjegojmë pikëpamjen e Bauman mbi marrëdhëniet romantike, përmes konceptit të tij mbi dashurinë fluide.

Marrëdhëniet e sotme

Ndërtimi i një lidhje të fortë me dikë, nuk është gjithmonë e lehtë. Në lojë ka shumë aktorë:angazhimi, ndjenja e përgjegjësisë, por edhe një farë ndjenje frike. Është kjo e fundit ajo që në shumicën e rasteve i frenon marrëdhëniet të jenë më të thella.

Bauman i përcakton raportet e sotme më shumë si “lidhje” sesa si marrëdhënie romantike. Dhe referenca nuk është vetëm për teknologjitë e reja që na japin mundësi të qëndrojmë të lidhur edhe në distancë. Individualizmi synon vetëm që të përmbushë nevojat e përpikta që kanë një fillim dhe një fund.

Nga këtu buron edhe ideja e “dashurisë së lëngshme”, emocione që nuk mund të mbahen dot nga dikush dhe që u ikin vrullshëm nga duart derisa zhduken plotësisht. Një koncept shqetësues që na nxit të kemi marrëdhënie gjithnjë e më të paqëndrueshme me të tjerët.

Dashuri fluide

Nga këtu buron edhe koncepti i Zigmunt Bauman mbi “dashurinë fluide”. Kjo është dashuria e ndarë midis dëshirës për të përjetuar emocione nga njëra anë, dhe nga ana tjetër frikës nga lidhja e vërtetë romantike me dikë. Në këto rrethana, kjo ndjenjë fisnike përfundon thjesht duke u bërë peng i gjendjes aktuale njerëzore, në të cilën ndjenja e sigurisë përplaset me dëshirën për liri.

Nëse marrëdhëniet romantike kërkojnë angazhim, lidhjet janë të thjeshta. Njerëzit kanë aftësinë që të lidhen dhe shkëputen me një klikim, ashtu siç bëjnë në rrjetet e tyre sociale: Facebook, Twitter, Instagram, etj. Të kesh marrëdhënie reale jashtë linje, ose drejtpërdrejt, në ditët e sotme, është vërtet e komplikuar sepse kërkon angazhim.

Vetmia

Rezultati i kësaj dashurie fluide, pra plot kontraste midis sigurisë emocionale të një marrëdhënieje të thellë dhe lirisë së individit, është vetmia. Siguria dhe liria janë dy vlera absolutisht të nevojshme. Por atyre u duhet një pjekuri e caktuar për të gjetur një ekuilibër. Vetmia është pasojë e kërkimit të lirisë, përmes ekzistencës në një shoqëri fluide, ku lidhjet midis individëve shpërbëhen dhe bëhen të paqëndrueshme.

Për të zbutur ndjenjën e vetmisë, individët i përdorin lidhjet më të tjerët për një kohë të shkurtër, të cilave më pas u japin fund. Kjo çon në mundësinë e zëvendësimit të shpejtë të të tjerëve, por ky është vetëm një iluzion i thjeshtë për të neutralizuar realitetin, pra që ju jeni vetëm.

Si ta jetojmë dashurinë e vërtetë sipas Bauman

Dashuria, ajo e vërteta dhe e thella, ajo që pavarësisht gjithçkaje, sipas Bauman u kërkon njerëzve që të heqin dorë nga një pjesë e vogël e lirisë së tyre fluide,për të ndërtuar një marrëdhënie të qëndrueshme të bazuar në themele të forta, të cilat i rezistojnë pengesave të përditshme me të cilat duhet të përballen njerëzit. Pjesa më e vështirë që mund të ndërmarrin njerëzit, përfaqësohet nga të takuarit njëri-tjetrin, duke i kushtuar kohë, besim dhe në disa raste, sakrifica.

Burimi i lajmit: https://libreriamo.it/societa/bauman-amore-liquido-paura-legami/

Përshtatur nga TIRANA TODAY

- Reklama -

Më shumë nga kategoria




Të fundit

Berisha zbulon se çfarë do të ndodhë të shtunën në orën 11:00

“Foltorja” e radhës do të jetë në Rrëshen. Ish-kryeministri Sali Berisha njofton qytetarët se “Foltorja” me demokratët do të jetë në 22 janar, në...

Shpërdoruan detyrën, procedohet penalisht kryetari i KF Erzenit dhe një anëtar

Kryetari dhe anëtari i shoqatës së KF Erzenit, Marius Shahini dhe Fundim Dollaku, janë vendosur nën hetim me akuzë për “shpërdorim detyre” dhe “kompetencash”. Policia...

Tre djem dhe një vajzë në hotel, pranga të riut që qëlloi shokun me pistoletë

Më shumë se një muaj pas ngjarjes është prangosur në Tiranë autori i plagosjes me armë zjarri në një hotel në autostradën Durrës-Tiranë. 26-vjeçari...

Avokati mashtrues, merr 11 mijë paund për vizë studimi në Angli

Rreth dy muaj më parë, “Stop” transmetoi rastin e avokatit Sokol Berberi, i cili i mori 3 mijë euro një qytetari për vizë pune...

6 marsi, testi kyç i Bashës

Nga: Eduard Zaloshnja Nga komunikimi publik i Presidentit Meta, duket pothuaj plotësisht e sigurtë se zgjedhjet e pjesshme lokale në 6 bashki do të zhvillohen...