Sonte do të ketë dy përballje mjaft të bukura në kuadër të fazës së grupeve në Champions League. Kur zhvillohen ndeshjet e katërta në grupe, Real Madrid do të udhëtojë në Angli për tu përballur me Tottenham. Në përballjen e parë në Madrid, londinezët arritën të merrnin një barazim dhe treguan që kishin mundësi edhe të fitonin ndeshjen. Ndërsa Reali i Zidanit përpos barazimit që arriti para tifozëve të tij, vjen në këtë përballje nga një formë mjaft e dobët që ka treguar në kampionat.
Ky mund të jetë një test mjaft i vështirë për madrilenët që i kanë venitur shumë shpresat për kampionat, pasi Barcelona është shkëputur me disa pikë. Ndërsa një humbje natën e sotme përballë Tottenham do ti zhyste në krizë kampionët në fuqi të Champions League. Zidane tregohet mjaft i qetë para medieve dhe kërkon nga ekipi i tij të jenë sa më të qetë, pasi çdo ekip ka rëniet e tij gjatë një sezoni dhe për francezin është gjë ë mirë që po ndodh tani dhe jo në mesin e sezonit. Pochettino nga ana tjetër do të kërkojë të vazhdojë ecurinë e rezultateve pozitive dhe të konfirmojë se ekipi i tij këtë sezon do të luftojë për të ngritur trofe.
https://www.youtube.com/watch?v=w1iBuCDH0m8&ab_channel=GugaTV
Përballja tjetër mjaft interesante është mes dy ekipeve që janë duke dhuruar futbollin më të bukur. Napoli do të presë në “San Paoli”, Manchester Cityn e Guardiolës. Napoli mbanë kreun e Serie A, duke qëndruar i pamposhtur dhe zbret sonte në fushë vetëm për fitore, pasi çdo rezultat tjetër do ti veniste shpresat për kualifikim përtej grupeve. Ndërsa Manchesteri pasi i mposhti në “Etihad Stadium” napolitanët, do të kërkojë vazhdimësinë dhe të sigurojë kualifikimin si kokë grupi.
Sarri ka vlerësuar maksimalisht ekipin e Guardiolas dhe është shprehur se do të kemi një ndeshje mjaft të vështirë, por që në shtëpinë tonë do të kërkojmë fitoren. Ne jemi një ekip i konsoliduar mirë, por ata kanë yje në ekip të cilët do të na hapin shumë punë. Napoli ka si objektiv parësorë kampionatin, por kurrsesi nuk do të ishte e pranueshme të eliminoheshim nga Champios që në fazën e grupeve. Guardiola nga ana tjetër ka ndërtuar një ekip pretendent për të triumfuar në kompeticionin më të lakmuar në futboll, Premier Leagua dominohet nga ata dhe duket se nuk do të kenë kundërshtarë dhe do të triumfojnë me lehtësi. Por kur ke në stol një trajnerë si Guardiola atëherë ekipi nuk mjaftohet vetëm me kampionatin.
https://www.youtube.com/watch?v=bPQ2zeorweE&ab_channel=GugaTV
