Trajneri i Real Madrid, Zinedin Zidan, ka folur rreth vendimit të klubit për të shitur futbollistin, Achraf Hakim tek skuadra e Interit.
Pasi qëndroi për dy sezone në huazim tek Dortmund, Hakim ka kompletuar më në fund transferimin e tij tek Interi për një shumë prej 45 milionë eurosh.
Largimi i 22-vjeçarit maroken shqetësoi disi tifozët madrilenë pasi ata besonin se Hakim kishte potencial të madh. Por, Zidan shprehet se të dyja palët kanë dalë të kënaqura.
“Hakim bëri një sezon mjaft të mirë, por në futboll ka dy anë që duhet të merren në konsideratë: ana ekonomike dhe ajo sportive. Ky nuk është momenti për të folur për këtë gjë, sepse gjërat mund të ndryshojnë shpejt. I takon klubit të vendosë, dhe vendimi është ai që është”, tha ai gjatë një konference për shtyp.
