Revista amerikane Forbs, për vitin 2018, ka renditur në vendin e parë Mbretërinë e Bashkuar, në vendin e dytë Zelanda e Re, në të tretin Holandën, në të katërtin Suedinë, dhe në të pestin Kanadanë, si shtete që ofrojnë kushte të mira për biznes.
Kështu Britania e Madhe është vendi më i mirë për biznesin në botë në vitin 2018, pavarësisht pasigurive që burojnë nga Brexit, ndërsa Shqipëria është në vendin e 71 sipas renditjes së revistës amerikane Forbes, i cila mbulon 153 vende të botës.
Revista amerikane ka matur 15 segmente të ndryshme të zhvillimit të biznesit, duke përfshirë taksat, lirisë personale dhe ekonomike, burokracinë, të drejtat pronësore, risitë, korrupsionin, teknologjinë, tregtinë dhe lirinë monetare dhe mbrojtjen e investitorëve, ose mbi bazën e të dhënave ekonomike nga viti 2016.
Në rajon, vendi më i mirë për biznes renditet Sllovenia në vendin 32, Kroacia në vendin e 51-të, Maqedonia në 63-të, Mali i Zi në 68-të, Serbia në vendin e 69-të, BiH në pozicionin e 97-të, ndërkohë që Shqipëria është vendin e 71-të.
