Historia e zhdukjes së Bleona Matës, më 22 maj të vitit 2010, është rikthyer sërish në vëmendje, pasi kërkimet për të i ka filluar dhe Anglia.
Qamile Mata, një nga kushërirat e Bleonës, e dyshuar për përfshirjen e saj në rrëmbim, tha për emisionin “Pa gjurmë”, se nuk ka gisht në zhdukjen e saj dhe kërkoi që mos ta shqetësojnë.
“Mos ma përmendni më emrin. Nëna e Bleonës të vijë me mua aty live, jo të më përmendë emrin. Bukuria po shpif. Unë s’kam asnjë faj në atë punë. Ajo erdhi pas meje, si mbaj mend gjërat fort mirë. Mos ma prishni martesën, jam nënë kam një djalë. Emrin tim mos ma përmendi njeri”, deklaroi Qamile Mata.
Ndërkohë, Qamilja, e cila në kohën kur ndodhi ngjarja ishte 13 vjeçe, dyshohej si pjesëmarrëse bashkë me kushërirën e saj në rrëmbimin e Bleonës, por kjo nuk është vërtetuar deri më sot.
Kujtojmë se Qamilja ishte bashkë me Bleonën, atëherë vetëm 6 vjeçe, me të cilën u ngjit në malin e fshatit Zapod të Kukësit, për të kullotur bagëtitë.
