Një adoleshente shqiptare në Irlandë rezulton e zhdukur që prej datës 11 Prill. Autoritete në Gardaí kanë nxjerrë një njoftim dhe po vijnë kërkimet për 17-vjeçaren e humbur në Kildare. Njoftimi i policisë i drejtohet komunitetet shqiptar në Irlandë për të ndihmuar në gjetjen e vajzës së re Olta Dodaj.
Policia në Gardaí ka bërë një apel publik për të siguruar informacione dhe për të rënë në gjurmë të vajzës së e cila që prej të mërkurës nuk është kthyer në gjirin e familjes në Co Kildare.
Olta Dodaj është parë për herë të fundit rreth orës 14: 45 në Newbridge më 11 prill. Ajo përshkruhet si 160 cm e gjatë me flokë të gjatë kafe dhe sy kafe.
Kur ishte parë për herë të fundit, ajo kishte veshur një xhaketë të kuqe dhe xhinse të zeza.
Kushdo që ka parë Olta-n ose mund të ndihmojë në gjetjen e saj, kërkohet të kontaktojë stacionin Newbridge Garda (045 440180), vijën konfidenciale të Garda 1800 666 111 ose ndonjë stacion në Garda. TIRANA TODAY
