Gjendja e vështirë ekonomike e familjes së tij, por edhe pamundësia për të plotësuar të gjithë dokumentacionin e duhur për vetingun dyshohet të ketë çuar në vetëvrasje një punonjës policie të Shkodrës. Bëhet fjalë për 52- vjeçarin Dedë Shkalla, banues në fshatin Golem të një- sisë administrative Rrethina. Mësohet se babai i 5 fëmijëve është hedhur në ujërat e lumit Kirk u dhe është mbytur. Kanë qenë banorë të zonës, që rastësisht kanë parë trupin e pajetë dhe kanë njoftuar policinë.
Menjëherë blutë kanë shkuar në vendngjarje, ndërsa kanë konstatuar se i mbyturi ishte kolegu i tyre, Dedë Shkalla. Nga kryerje e veprimeve hetimore paraprake ka rezultuar se në trupin e pajetë nuk kishte shenja dhune. Sipas burimeve policore, trupi i 52- vjeçarit është dërguar ambulancë në morgun e Spitalit Rajonal të Shkodrës për ekzaminime të mëtejshme.
POLICI
Burimet e mësipërme bënë me dije se Dedë Shkalla punonte në sallën operative në policinë vendore të Shkodrës prej shumë vitesh. Ai njihej si njeri i qetë, i rregullt dhe pa probleme qoftë nga të afërmit, por edhe kolegët e tij. Vendimi fatal për t’i dhënë fund jetës i ka shokuar të gjithë. Mësohet se kohët e fundit nga bisedat me kolegë të tij, ai ka shfaqur shenja stresi në punë. Disa herë punonjësi i policisë që zgjodhi t’i japë fund jetës u ka thënë kolegëve se e ka të vështirë që të plotësojë dokumentet që duhen për procesin e vetingut. Numri i madh i dokumenteve dhe deklarimeve që kërkohen në këtë proces e ka stresuar Shkallën. Ai për shkak edhe të gjendjes së vështirë ekonomike në familjen e tij, disa herë ka thënë se e ka të pamundur që të plotësojë të gjithë atë dokumentacion dhe se rrezikon që të largohet nga puna.
Frika se mund të mbeste edhe i papunë, sipas burimeve policore, por edhe personave që e kanë njohur dyshohet se e ka çuar efektivin e policisë së Shkodrës deri në vetëflijim. Ndërkaq, policia e Shkodrës po vazhdon hetimet për ta zbardhur të plotë këtë ngjarje. Nga ana tjetër, mësohet se Dedë Shkalla në orët e mëngjesit të djeshëm ka zgjuar njërin prej djemve të tij nga gjumi dhe është përshëndetur me të. Në dalje tek dera e shtëpisë e ka përshëndetur me dorë. Efektivi i policisë së Shkodrës ka katër vajza dhe një djalë, të gjithë të rritur dhe në shkollë. Gruaja e tij nuk punonte, pasi kujdesej për shtëpinë. Punonjësi i policisë që u mbyt në ujërat e lumit Kir banonte në një shtëpi njëkatëshe në fshatin Golem, afër me dy vëllezërit e tjerë. Ai sillej shumë mirë me të gjithë, ndërsa edhe fqinjët gëzojnë respekt për të. Kjo ngjarje i ka tronditur, sepse asnjëri prej tyre nuk e ka pritur një gjë të tillë.
PRECEDENTI
Më 24 prill të këtij viti, një efektiv policie u vetëvra në ambientet e komisariatit të Fierit. Kastriot Fafaj nga fshati Seman i këtij rrethi i dha fund jetës me armën e shërbimit. 46-vjeçari, baba i dy fëmijëve u gjet i pajetë nga kolegët e tij. Sipas burimeve policore, Fafaj, me detyrë oficer i Patrullës së Përgjithshme të Rendit e ndërmori aktin ekstrem sapo kishte mbaruar shërbimin (ishte turni i tretë) në rrethana të paqarta. Disa orë pas ngjarjes reagoi babai i efektivit. Shyqyri Fafaj deklaroi se djali i tij ishte stresuar shumë nga kërkesat për vetingun në radhët e uniformave blu./gsh.al
