Zgjohet Partizani, firmos me talentin shkodran dhe mbrojtësin boshnjak

Klubi i Partizanit ka zyrtarizuar dy blerjet e reja në ditën e sotme. Në orët e paradites ka firmosur kontratë 2 vite e gjysmë mbrojtësi boshnjak Renato Gjokoviç. Mbrojtësi 22 vjeçar, është afruar nga kampionati kroat ku është aktivizuar së fundmi në ekipin e NK Istra. Gojkoviç pasi ka kryer vizitat mjekësore i është bashkuar ekipit në stërvitje.

Po pasditen e së martës është zyrtarizuar arritjen e marrëveshjes me talentin e skuadrës së Vllaznisë, Senad Hysenaj. Drejtuesit dhe mbrojtësi 19 vjeçar kanë firmosur sot kontratën e bashkëpunimit mes palëve , e cila e konfirmon lojtarin shkodran pjesë të 15-të herë kampionëve të vendit deri në vitin 2021. Pas firmës së hedhur në kontratë Hysenaj ka bërë prezantimin zyrtar në ambientet e klubit.