Në Mesdheun Lindor, prej disa ditësh “po fryn erë lufte”, pas vendimit të Ankarasë zyrtare për të nisur kërkimet për gaz dhe naftë shumë pranë kufirit grek.
Nënpresidenti turk Fuat Oktay, ka thënë se Turqia s’do të bëjë asnjë hap prapa, dhe se pritet drejtësi nga Bashkimi Europian.
“Nga BE-ja presim drejtësi. Në kuadër të kësaj drejtësie, askush të mos presë që Turqia të bëjë hapa mbrapa. Oktay i ka mëshuar fort faktit se cilido qoftë çmimi, Turqia do t’i mbrojë të drejtat e saj në çdo metër katror të saj në Mesdheun Lindor.
“E papranueshme që Greqia kërkon t’i zgjerojë ujërat territorialë me 12 milje. Nëse kjo nuk është shkas lufte, çfarë është? Fatkeqësisht, Evropa, lëre që nuk është në anën e Turqisë dhe interesave tona, por nuk mbajmë mend të mos ketë reaguar”, tha ai.
Greqia dhe Turqia vijojnë të kenë përplasje, pasi të dy pretendojnë territor mbi burimet e hidrokarbureve në rajon.
