Kur gara për zgjedhjet në FSHF ka tërhequr vëmendje mjaft të madhe, pasi përballë kemi dy kandidatë mjaft të fortë si Armand Duka dhe Bashkim Fino. Duka kërkon mandatin e 5 radhazi, me moton se e ka ngritur futbollin shqiptar në një nivel tjetër dhe ka akoma shumë energji për të punuar. Ndërsa nga ana tjetër Fino pretendon të sjellë ndryshimin dhe pastërti në futbollin shqiptar, po ashtu të risjellë tifozët në shkallët e stadiumit.
Por pse duhet të mos u besojnë futbolldashësit këtyre dy personazheve. Armand Duka ka dhënë shumë premtime dhe disa prej tyre nuk i ka mbajtur, madje i ripërsërit prej disa vitesh. Krijimi i Ligës Profesioniste të futbollit është një vendim që po e mundon Dukën prej 3 mandatesh. Ai e premtoi krijimin e këtij kampionatin vit pas viti, por ende nuk ka arritur të finalizohet ky operacion.
Nga ana tjetër kandidati Bashkim Fino edhe pse shprehet se e ka pasion sportin që i vogël, nga ajo çfarë është parë nuk duket kështu. Në fushatën e PS-së, bashkë me Edi Ramën në Peqin në mbështetje të Alfred Pezës, u shkri në “lot” nga pallavrat që thoshte kandidati për ekipin e Shkumbinit. Ndoshta kjo tregon edhe seriozitetin që ka kandidati në fjalë për sportin dhe futbollin në veçanti.
