Është mbyllur raundi i parë i votimeve në Ukrainë dhe sipas sondazheve të para fitues do të jetë një komedian pa përvojë politike, duke mposhtur kështu presidentin Poroshenko. Volodimir Zelenskiy, i cili ka luajtur presidentin në TV, ka marrë 30.4% të votave, ndërsa kreu aktual Petro Poroshenko është i dyti me 17.8%.
Ish-kryeministrja Yulia Tymoshenko duket se është eliminuar në një 14.2% të parashikuar. “Unë jam shumë i lumtur, por ky nuk është rezultati përfundimtar”, tha zoti Zelenskiy për BBC, pas rezultateve të para. Nga ana tjetër, Poroshenko e përshkroi vendin e tij të dytë si një “mësim të ashpër”.
Presidenti ukrainas ka kompetenca të rëndësishme mbi sigurinë, mbrojtjen dhe politikën e jashtme.
