Kandidati për Kryetar i Partisë Demokratike, Fatbardh Kadilli do të nisë ditën e sotme turin elektoral. Ai ka bërë me dije se sot do të takojë anëtarët e PD-së që janë në qarkun e Beratit.
Sipas Kadillit, në këtë qark ai ka patur një nga pervojat më të mira politike, ndaj dhe e ka zgjedhur si pikënisjen për turin e tij.
Takimet do të zhvillohen në orën 17:30 në Bibliotekën e qytetit, si dhe në orën 19:00 në një hotel në zonën e Urës Vajgurore.
Postimi i Kadillit në rrjetin social, Facebook
Sot nis turin e takimeve me anetarët e PD në Shqipëri. Zgjodha ta filloj këtë tur nga Berati, qarku ku kam një nga pervojat më të mira politike në aktivitetin tim të gjatë.
Gjithnjë kam besuar se sa më të forta të jenë sfidat aq më i madh është motivimi dhe angazhimi. Miq beratas ejani të bisedojmë së bashku për një Projekt të ri, me një Manifest të ri Politik me Sytë nga e Ardhmja
Takimet janë:
Berat, ora 17:30, Biblioteka e Qytetit
Kucovë/ Ura Vajgurore, Ora 19:00, Hotel Familjari.
Më 13 qershor, Partia Demokratike zhvillon zgjedhjet për kryetarin e ri. Përballë Lulzim Bashës, do të garojnë Edith Harxhi, Agron Shehaj dhe Fatbardh Kadilli.
