Kandidatja për kreun e Partisë Demokratike, Edit Harxhi është shprehur se kryedemokrati Lulzim Basha, është më i dobët se kurrë, për shkak të humbjeve të njëpasnjëshme në zgjedhje.
E ftuar në emisionin ”Open”, Harxhi deklaroi se në zgjedhjet brenda selisë blu, nuk ka barazi midis kandidatëve, teksa shtoi se në këtë proces nuk do të marrë pjesë e gjithë anëtarësia e partisë.
Ndër të tjera, Harxhi tha se brenda Partisë Demorkatike po zhvillohet një farsë, dhe se ajo është e vendosur për të sfiduar Bashën për kreun e PD.
Edit Harxhi: “Basha e nis garën nga karrigia e kryetarit të partisë. Listat janë të pakontrolluara se po flitet për lista aktive që janë bërë pas 2017. Jo gjithë anëtarësia e PD merr pjesë në këtë garë. Basha mori vendimin që të mos përgjigjen për sfidën që të dali në ose disa debate publike dhe kryesia mori vendim që s’do të ndodhin. Do të doja shumë të dilja para zotit Basha dhe të dija çfarë do të bënte për këtë parti pas humbjes së katërt. Është drejt një farse pavarësisht faktit unë kam guxuar të sfidoj dhe farsën. Basha është më i dobët se kurrë për shkak të 4 humbjeve seriale. Nuk është legjitimim, duhet të shihte se PD do të votojë me numra më të paktë por kam frikë që edhe nëse fiton ai mund të jetë fitues me 10% të anëtarësisë së PD”.
