Zgjedhjet në Gjermani/ Schulz pranon humbjen: Ditë e zezë për social demokratët

Kandidati për kancelar të Gjermanisë nga PSD, Martin Schulz menjëherë pas publikimit të exit-poll të cilët e nxirrnin atë humbës, ka dalë një deklaratë për mediat.
Schulz ka falënderuar të gjithë mbështetësit e tij dhe ka deklaruar se, kjo është një ditë e zezë për social demokratët duke pranuar humbjen dhe tha se do të qëndrojnë në opozitë duke marrë të gjithë përgjegjësitë e humbjes.
“Kemi rënë dakord që të formojmë partinë opozitare më të fortë, në mënyrë që të marrin përgjegjësinë që na ka dhënë populli gjerman. Kjo do të jetë detyra jonë, do të punojmë, do të diskutojmë dhe mbi të gjitha do të diskutojmë rezultatet e zgjedhjeve.
Do të jem në dispozicion për këtë diskutim, por për këtë do të më duhet pak kohë. Gjatë javëve të kaluara kemi diskutuar rreth çështjeve të ndryshme, cfarë do të ishte e vlefshme për Gjermaninë gjatë dekadave të ardhshme.
Do të doja ta përfundoja fjalën time. Partia SPD po përjeton disa orë të vështira dhe më të vështirat që kemi përjetuar ndonjëherë. Tani duhet të tregojmë forcën tonë. Duhet të marrin përgjegjësinë dhe të krijojmë opozitën më të fortë që ka qenë ndonjëherë në Gjermani, tha Schulz.