Shpresim Ajroski është përzgjedhur si kandidat në komunën e Pllasnicës nga Zoran Zaev për zgjedhjet lokale.
Ajroski ka marrë përkrahjen e strukturave lokale, por edhe të kryesisë qendrore të socialdemokratëve.
Ai është kandidati i dytë shqiptar nga LSDM, pas Milikije Halimi, e cila do të garojë në komunën e Haraçinës.
Tashmë pritet të prezantohen kandidatët shqiptarë të LSDM edhe në komunat e tjera, nga Likova e deri në Strugë.
Nënkryetari i LSDM, Muhamed Zekiri tha se partia e tyre do të nxjerrë edhe kandidatët e tjerë që do të garojnë në komunat me shumicë shqiptare dhe se synohet që të ketë pjesëmarrje në shumicën prej tyre.
