Mësohet se Kreu i Partisë Demokratike, Lulzim Basha do të mbledhë sërish sot në zyrë të gjithë kryebashkiakët e djathtë, si dhe krerët e degëve të PD në mbarë vendin.
Takimi i Bashës me krerët e bashkive që drejtohen nga demokratët pritet të zhvillohet në orën 16:00, ndërsa ai me krerët e degëve në orën 18:00.
Këto takime të njëpasnjëshme vijnë pas zgjedhjeve vendore të 30 qershorit, në të cilat PD nuk mori pjesë. Për pasojë, mazhoranca u shpall fituese në 60 prej tyre edhe pse me një pjesëmarrje shumë të ulët votuesish.
Kujtojmë, që vetëm një ditë më parë, Lulzim Basha zhvilloi një tjetër takim me krerët e bashkive të djathta.
