Zgjedhjet vendore 30 qershor 2019 po zhvillohen në 61 bashkitë kryesore, në gjithë vendin.
Ndërkohë, edhe pse nuk janë raportuar shumë raste dhune ashtu siç pritej, ka pasur plot raste të tjera të çuditshme që janë konstatuar. Një nga ata është rasti në Bashkinë e Vorës, ku pjesë e listës së votuesve janë bërë edhe 2 persona të cilët kanë ndërruar jetë, disa kohë më parë. Raportohet se në listat e qendrës së votimit 1556/1, janë vënë re emrat e dy shtetasve S.Nasko dhe A.Osmani, të cilët nuk jetojnë më.
Ky lajm është verifikuar nga përfaqësuesi i KQZ dhe njëri nga vëzhguesit, në këtë qendër votimi. Mësohet se emrat e dy të vdekurve nuk janë çregjistruar akoma nga listat e votuesve.
