Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në Kosovë mund të ketë zgjedhje të parakohshme.
Deklarata e Haradinajt u bë mbrëmjen e sotme në një intervistë për RTV Dukagjini. Sipas Haradinajt, me ardhjen e Kurtit në qeveri, Kosova ka patur rritje të importeve nga Serbia, që gjë të cilat, kreu i qeverisë kosovare i kishte kundërshtuar më parë.
Ndër të tjera, Haradinaj u shpreh se ekonomia e Serbisë nuk ka patur kurrë një kryeministër më të mirë në Kosovë.
Ramush Haradinaj: ”Populli i Kosovës do ta ketë të vështirë të qeveriset nga një qeveri e tillë. Kjo qeveri nuk do të zgjasë shumë. Kurti ka premtuar se do ta rivendosë reciprocitetin, por e vërteta është se u rrit importi i mallrave nga Serbia. Kurti po i bllokon bizneset dhe komunat tona. Paraja është bllokuar në Kosovë dhe komunat nuk po zhvillohen. Sipërmarrësit kosovarë do të kenë pasoja të mëdha në fund të këtij viti, derisa mallrat e Serbisë kanë vërshuar tregun tonë”.
