Italia fitoi kampionatin evropian të ”Euro 2020” pasi mundi Anglinë në ”Wembley Stadium” me goditjen e penalltive, ku axurrët u treguan më të saktë. Anglezët ende nuk e kanë marrë veten nga kjo humbje, pasi prisnin që trofeu të shkonte në shtëpi, pra në Londër.
Media prestigjoze britanike, Daily Mail ka sjellë në vëmendje prapaskenat e zgjedhjes së lojtarëve anglezë, të cilët do të godisnin topin nga pika e bardhë. Teksa po zgjidhte lojtarët, trajneri Southgate foli një për një me secilin prej tyre, duke i komentuar vendimin e tij se ata ishin të përzgjedhurit.
Pamjet kanë kapur momentet kur Southgate shkoi te Markus Rashford, Jadon Sanço dhe Bukajo Saka, dhe të tre lojtarët japin ”ok”, për vendimin e tij. Më pas, tekniku shihet teksa komunikon me portierin Jordan Pickord, i cili mendohet se do të godiste pas Sakën, nëse ky i fundit nuk do të gabonte.
Rashford, Sancho and Saka agreeing to take penalties. Real warriors?? pic.twitter.com/VRaD4xFv1q
— Asad (@asxd_98) July 12, 2021
