Kryeprokurorja e përkohshme Arta Marku ka pranuar se ka boshllëqe ligjore për çështjen e zgjedhjes së prokurorit.
Këtë deklaratë, Marku e bëri në takimin e parë të zhvilluar me gazetarët, ku pranoi problematikat ligjore në çështjen e zgjedhjes së prokurorit.
Kjo deklaratë e bërë në takimin me gazetarët ka sjellë edhe reagimin nga radhët e LSI-së, ku është Petrit Vasili ai që i bën thirrje kryeministrit të dëgjojë e të reagojë lidhur me këtë çështje.
Në një postim në Facebook, Vasili shkruan se këto boshllëqe i plotëson vetëm Kuvendi me votë duke ndryshuar ligjet.
“Kryeministri minoi qëllimisht integrimin evropian me zgjedhjen e paligjshme të kryeprokurorit.
Kryeprokurorja Arta Marku pohon me gazetarët, në mënyrë korrekte, se ka boshllëqe ligjore për çështjen e zgjedhjes së prokurorit.
O Kryeministër a ke veshë ta dëgjosh.
Ka boshllëqe ligjore.
Kushtetuta flet qartë e prerë se boshllëqet i plotëson vetëm Kuvendi i Shqipërisë me votë duke ndryshuar ligjet”, shkruan ndër të tjera Vasili.
