Zëvendës Ministri i Brendshëm, Julian Hodaj, ka patur një përballje të fortë në emisionin “Opinion”, me moderatorin Blendi Fevziu, sa i takon përgjimeve.
Mbrëmjen e djeshme është diskutuar tema “Kë fshehin përgjimet”, e cila lidhet me arrestimet e ditëve të fundit të 32 personave. Gazetari lexoi disa fragmente nga përgjimet e grupeve “Vol-vo4”, por kjo nuk u prit mirë nga Hodaj.
“Kjo që po bën ti, është nxjerrje e sekretit hetimor”, tha ai.
“Në rregull, por kush i nxjerr këto dosje”, pyeti Fevziu.
“Ku i morët ju përgjimet e dosjes?”, iu përgjigj Hodo.
“Na i fusin poshtë derës”, përfundoi Fevziu.
Në dosjen ‘339’ përfshihen dy vite përgjime, me qindra faqe. Një pjesë e tyre janë publikuar nga mediat prit dhe on-line.
