Zëvendëskryeministrja e Ukrainës thotë se NATO është pjesërisht përgjegjëse për vdekjet e civilëve në vend, duke refuzuar të zbatojë një zonë të ndaluar fluturimi mbi Ukrainë.
Duke folur për World Tonight në BBC Radio 4, Olha Stefanishyna tha se “është çnjerëzore të dish që popullsia civile dhe fëmijët do të vriten”.
“Gjaku i atyre civilëve – duke përfshirë nënën dhe babanë e dy fëmijëve që lindën dje dhe vetëm sot humbën prindërit e tyre në një granatim – nuk është vetëm në duart ruse”.
Zëvendëskryeministrja ukrainase kërkoi falje që nuk ishte diplomatike në zgjedhjen e gjuhës.
Anëtarët e NATO-s kanë refuzuar të krijojnë një zonë ndalim-fluturimi, pasi janë të shqetësuar se kjo do të përshkallëzonte konfliktin, duke i vënë forcat perëndimore në luftime të drejtpërdrejta me fuqinë ajrore ruse.
Burimi i lajmit: BBC. Përshtatur nga Tirana Today
