Presidenti i Ukrainës u ka bërë thirrje kryebashkiakëve amerikanë, që të ndërpresin lidhjet me qytetet ruse. “Tiranët nuk duhet të lejohen të gëzojnë lidhje me botën e lirë. Çdo lidhje”, tha Volodymyr Zelensky në një fjalim online në Konferencën e Kryetarëve të Bashkive të SHBA.
Ai dha shembujt e Çikagos, i cili emërton Moskën si një qytet motër, si dhe Jacksonville dhe Murmansk, San Diego dhe Vladivostok, si dhe Albany dhe Tula.
“Çfarë ju japin këto lidhje? Ndoshta asgjë. Por ato i japin Rusisë mundësinë të thotë se nuk është e izoluar, edhe pas fillimit të një lufte të tillë”, tha Zelensky.
Ai u shpreh gjithashtu se “disa nga raketat më vdekjeprurëse ruse janë projektuar dhe prodhuar në Yekaterinburg. I cili, meqë ra fjala, është ende një qytet motër i San Jose”.
Chicago dhe Albany kanë njoftuar të dy pezullime të përkohshme të marrëdhënieve. Zelensky gjithashtu u bëri thirrje kryebashkiakëve që të përfshijnë qytetet e tyre, në përpjekjet e rindërtimit në Ukrainë.
Burimi i lajmit: BBC. Përshtatur nga Tirana Today
