Presidenti i Ukrainës Volodymyr Zelensky, do të përcjellë në Parlamentin shqiptar mesazhin e tij para ligjvënësve shqiptarë, nëpërmjet një video call. Seanca dedikuar luftës në Ukrainë dhe suportit ndaj saj, do të mbahet në orën 13:00.
Zelensky, pritet të informojë deputetët shqiptarë lidhur me situatën në Ukrainë dhe të shprehë mirënjohjen për mbështetjen e Shqipërisë.
Prej nisjes së luftës dy muaj më parë, presidenti Zelensky ka folur në një seancë të posaçme për Këshillin e Sigurimit të OKB-s si dhe në parlamentet e Anglisë, Norvegjisë, Portugalisë, Finlandës, Greqisë, Sllovakisë, Irlandës, Rumanisë, Qipros, Lituanisë dhe Spanjës.
Përmes këtyre video thirrjeve, Zelensky kishte kërkuar që shtetet evropiane të sanksionin Rusinë si dhe kishte kërkuar anëtarësim të përshpejtuar në NATO dhe në Bashkim Evropian. Forcat ruse kanë nisur sulmet në Ukrainë mëngjesin e 24 shkurtit, me urdhër të presidentit rus, Vladimir Putin.
