Presidenti ukrainas Volodymyr Zelensky dhe Papa Françesku biseduan në telefon të martën për luftën, u tha Zelensky ligjvënësve italianë.
“Sot fola me Shenjtërinë e tij; Papa Françeskun dhe ai tha fjalë shumë të rëndësishme: “Unë e kuptoj që ju dëshironi paqe. Unë e kuptoj që ju duhet të mbroni veten, që ushtarët mbrojnë civilët, ata mbrojnë atdheun e tyre. Të gjithë po e mbrojnë atë”, tha Zelensky në një fjalim në Parlamentin italian.
“Dhe unë u përgjigja: “Populli ynë është bërë ushtri, kur panë se sa të këqija sjell armiku, sa shkatërrime sjell dhe sa gjakderdhje dëshiron të shohë ajo (Rusia)”, tha presidenti.
Zelensky tha se 117 fëmijë kanë vdekur deri më tani gjatë luftës, duke e quajtur atë “çmimin e zvarritjes” së vendeve të tjera në ndalimin e luftës.
Zelensky i tha Papës “për situatën e vështirë humanitare dhe bllokimin e korridoreve të shpëtimit nga trupat ruse”, shkroi ai në Twitter.
Burimi i lajmit: CNN. Përshtatur nga Tirana Today
