Presidenti ukrainas Volodymyr Zelensky i ka bërë thirrje BE-së të forcojë paketën e saj të sanksioneve kundër Rusisë, duke thënë se Moska mund të sulmojë vende të tjera.
Në një fjalim në të dy dhomat e parlamentit çek, Zelensky tha: “Ashtu si në të kaluarën, pushtimi rus i Ukrainës është hapi i parë që i duhet udhëheqjes ruse për të hapur rrugën drejt vendeve të tjera, drejt pushtimit të popujve të tjerë”.
Ai i kërkoi gjithashtu Brukselit që t’i japë një shtysë ofertës së Ukrainës për anëtarësimin në BE, me statusin e vendit kandidat.
Në një vizitë në Kiev të shtunën e kaluar, presidentja e Komisionit Evropian Ursula von der Leyen tregoi se një vendim për dhënien e një statusi të tillë Ukrainës, do të merret në ditët në vijim.
Burimi i lajmit: BBC. Përshtatur nga Tirana Today
