Starton sot sezoni i ri në kampionatet shqiptare të futbollit, pasi prej disa javësh skuadrat e Superiores kishin bojkotuar ndeshjet.
Nga Kategoria Superiore dhe te Kategoria e Dytë, të gjitha skuadrat zbresin në fushë ditën e sotme.
Liga Profesioniste e Futbollit, ka dalë me një komunikatë ku deklaron se vazhdon të jetë një periudhë e vështirë, për shkak të situatës së krijuar ng koronavirusi.
“Fillon një edicion tjetër i kampionatit të Kategorisë Superiore dhe përtej emocioneve kemi edhe diçka tjetër.
Meqenëse rreziku i gjeneruar nga pandemia vazhdon, gara mbetet ende e kufizuar brenda kufijve të caktuar, e kushtëzuar jo vetëm nga performanca, synimet dhe aftësive të secilit, por, për fat të keq, edhe nga kërcënimi i infektimit me koronavirusin e ri në ekipe”, thuhet në deklaratën e Ligës.
