Policia italiane ka zbuluar një sasi rekord marijuane, e cila thuhet se është lëndë narkotike prodhuar në Shqipëri. Mediat e vendit fqinj bëjnë me dije se është sekuestruar një sasi prej 1 kuintal lëndë narkotike prodhim shqiptar, u sekuestruar gjatë një operacioni që në fakt kishte një tjetër synim, shkruan brindisireport.it.
Ata po kërkonin autorët e tri grabitjeve të ndodhura në Carovigno, San Michele Salentino dhe Latiano, ndërsa kanë goditur rastin në fjalë.
Aksioni u finalizua nga policia e Latiano, e cila ishte sinjalizuar për një ngarkesë të madhe droge në territorin e Francavilla Fontana.
Nuk ka ende detaje për operacionin dhe as emra personash të përfshirë në këtë rrjet trafiku droge. Thuhet vetëm se po kërkohet një person, ndërkohë që një grua, sipas policisë, mamaja e tij, është ndaluar dhe po pyetet.
