Ka bërë bujë të madhe në media oxhaku i famshëm që shfaqej pas kurrizit të Ramës, teksa ky i fundit mori pjesë në një spot të emisionit “Xing me Ermalin”, ku dhe ishte i ftuar.
Në media u përhap menjëherë lajmi se ky oxhak kushtonte jo pak, por plot 18 mijë euro, e nuk munguan as krahasimet se çfarë mund të bëhej me këtë shumë monetare për shërbime publike.
Pas bujës së madhe, reagoi Rama duke i cilësuar sërish mediat si kazan, ndërsa tha se oxhaku ishte i shtëpisë së një miku të tij artist, ku shkonte herë pas here.
Tashmë është zbuluar se miku në fjalë i Ramës është artisti Adi Dule, i cili i është përveshur opozitës në një postim në Facebook.
Dule sqaron se oxhaku është blerë shumë më lirë se shuma që qarkulloi në media, ndërsa thotë se me Ramën është thjesht një shok që i bashkon arti dhe që nuk ka asnjë përfitim personal.
