Presidenti i SHBA Donald Tramp nëpërmjet një postimi në Twitter është shprehur se Koreja e Veriut kishte më shumë potencial për rritje të shpejtë ekonomike se çdo gjë tjetër. Komentet e tij erdhën disa orë pasi sekretari i tij i shtetit, Mike Pompeo, tha se Pyongyang mbetet një kërcënim bërthamor.Presidenti i SHBA do të takojë udhëheqësin e Koresë së Veriut Kim Jong-un për herë të dytë, më 27-28 shkurt, në Hanoi të Vietnamit.
“Ne të dy presim një vazhdim të përparimit të bërë në samitin e parë në Singapor”, tha Trump , duke iu referuar takimit të profilit të lartë midis dy udhëheqësve në qershorin e kaluar.
Gjithashtu Trump shtoi se Koreja e Veriut mund të bëhet një nga “fuqitë e mëdha ekonomike” në botë nëse heq dorë nga armët e saj bërthamore.
TIRANA TODAY
