“Përputhen” është kthyer në rubrikën më të pëlqyer për publikun shqiptar. Si pjesë e emisionit “E Diell”, rubrika ka pasur një rekord klikimesh. Nga java në javë ndodhin ngjarje të reja.
“Përputhen” do të rikthehet këtë sezon në ekranin e “Top Channel” si një emision i përditshëm, nën drejtimin e Bora Zemanit.
Sezonin e shkuar, në poltronin e opinionistit ishte Olti Curri, por pasi ai u tërhoq, ky vend ka mbetur bosh. Burime për “RevistaWho.Com” bëjnë të ditur se këtë sezon opinionist nuk do të jetë vetëm një personazh. Opinionisti i parë do të jetë Arjan Konomi, i cili rikthehet në ekranin e “Top Channel”, pas shumë kohësh.
