Zbardhen detaje të tjera shokuese nga ngjarja e mbrëmshme, ku një 44-vjeçar vrau nënën e tij të moshuar.
Sipas BalkanWeb, të afërmit e viktimës Firdes Çekiçi kanë deklaruar se sherri në familje ka nisur për telefonin e vajzës së autorit të krimit.
Ata deklarojnë se Olsi Çekiçi ka dashur të vrasë vajzën e tij 15-vjeçare, por e ëma e tij ka ndërhyrë për të mbrojtur mbesën.
15-vjeçarja, e cila që ka parë gjithë ngjarjen, ka njoftuar policinë dhe është larguar nga banesa me biçikletë.
Ajo i tha policisë se babai i saj e kishte ndjekur të moshuarën nëpër shtëpi duke i thënë “boll jetove”. Në momentin që policia ka mbërritur në banesë ka gjetur autorin e krimit, duke tentuar të vrasë të vëllanë.
