Kanë kaluar plot 20 vjet nga vdekja tragjike e Princeshë Dianës, ku familjarët dhe miqtë e saj e kujtuan me një ceremoni të veçantë para disa ditësh dhe ndanë shumë kujtime të ëmbla të saj.
Gjithashtu, familjarët e Dianës zbuluan edhe disa “sekrete” për jetën dhe veprimtaritë e saj.
Dizanjuesi i veshjeve të saj ka zbuluar mesazhin emocionues që princesha kishte të fshehur në këpucët e saj të martesës me Princin Charles.
Megjithëse këpucët ishin të fshehura nën fustanin e dizajnuar nga Elizabeth dhe David Emanuel që në atë kohë pa diskutim u quajt “veshja e shekullit”, Daily Mail raporton se në këpucët e princeshës, të krijuara këto nga këpucari i famshëm Clive Shilton mbanin një ‘haraç’ për burrin e saj.
Në këpucë ajo kishte zgjedhur të shprehte dashurinë ndaj princ Charles, duke shkruar inicialet e saj dhe të tij, dhe në mes të shkronjave C dhe D, kishte edhe një zemër në mes.
Këpucët e princeshës Diana kishin një takë të ulët dhe ishin të mbuluara me 132 perla.
Edhe pse ata bënë përgatitje për një dasmë përrallore, dashuria e tyre nuk triumfoi gjatë, pasi ata u ndanë pas disa vitesh martesë.
