Policia e Tiranës ben me dije se ka arrestuar shkaktarin e dyshuar te aksidentit tragjik me dy te vdekur dhe nje femije te plagosur sot ne Golem.
Ai është Halil Koka, 40-vjeçari të cilit iu zbulua mashtrimi pasi kishte tentuar të bindte të dashurën e tij 30-vjeçare, të merrte përsipër fajin për aksidentin dhe të mos tregonte që nuk ishte ajo në timon.
E reja fillimisht në polici tha se ishte ajo që drejtonte makinën që shkaktoi aksidentin, por më vonë u zbulua se nuk ishte e vërtetë.
Në vijim të informacionit paraprak
Në vijim të punës hetimore, Specialistët e Hetimit të Krimit në Komisariatin e Policisë Kavajë në bashkëpunim me Prokurorinë kanë arrestuar në flagrancë drejtuesin e mjetit tip “Toyota” shtetasin Halil Koka, 40 vjeç, banues në Durrës.
Pas disa veprimeve hetimore, shërbimet e Policisë kanë dokumentuar se ishte ky shtetas drejtuesi i mjetit që shkaktoi aksidentin rreth orës 07:40 tek Mali i Robit, ndërsa shtetasja I.P rezultoi se ishte pasagjere në këtë mjet, megjithëse në deponimet e para në vendngjarje deklaroi se e drejtonte ajo mjetin kur ndodhi aksidenti.
Materialet do t’i kalojnë Prokurorisë pranë Rrethit Gjyqësor Kavajë për veprime të mëtejshme.
