Mungesa e transparencës nga ana e Facebook është kthyer në shqetësim për shumë vëzhgues. Kur Washington Post raportoi për blerjen e fshehtë të reklamave, sipërmarrësi i Silicon Valley, Jason Calacanis reagoi përmes një postimi në Twitter.
“Na tregoni reklamat Zuck!”tha Calacanis. Ai deklaroi se Facebook ishte “duke përfituar nga lajmi i rremë”, dhe bëri një kritikë në rrjetin social.
Por ky ishte vetëm një prej rasteve që shfaqin probleme me kredibilitetin e Facebook. Përgjithësisht për një biznes të bazuar në “konceptin e miqësisë”, Facebook mbetet një kompani e vështirë për t’u besuar.
Në statistikat e bizneseve thuhet se matësit që përdor Facebook për reklamimet, kanë qenë të prirur të gabojnë. Analistët dhe reporterët kanë zbuluar vazhdimisht gabime gjatë përllogaritjeve.
Edhe në arenën politike paqartësia e Facebook ka shkaktuar mosbesim. Aktivistët konservatorë kanë akuzuar kompaninë për censurimin e zërave ndërsa aktivistët liberalë kanë ngritur alarm për shfrytëzimin e të dhënave personale në funksion të reklamave.
Media gjithashtu është shqetësuar për shpërndarjen e lajmeve të rreme dhe mashtrimeve./Tirana Today
